Jaman jani dadi sulinggih sing
keren
"ane kenken madan megama tua ???
Sing anak tua tuwuh madan tua . sing masih tatwa wayah madan megama tua . tua ento wredha . " nyuh wayah misi lengis iban - ibanne . kayu wayah misi les iban - ibanne . keto yan tua " sing ulian ngaba tungked megama tua .
Len ceritane yen dadi sulinggih . ane madan sulinggih anak ngelah linggih luih ( linggih adane tongos negakang jit ) utawi dija ngejang iba . linggih luih tongosne di beduwur utawi di hulu .
tungked sing patuh teken hulu . tungked ento gegisian apang sing srandang - srendeng .
yadyastun sing patuh tungked teken linggih , nanging sulinggih setata ngaba tungked . tungked tusing taen palas teken sulinggih . tungked suba dadi cirin sulinggih .
( sulinggih tua ngaba tungked .....sulinggih muda nenteng tungked ) .
keto masih calon sulinggih , tonden kenken - kenken jeg tungked simalu aliha . disubane melinggih , dini - ditu sambilang muput nakonang kayu lakar tungked . ento karana langah ada sulinggih ngelah tungked tuah abesik . liunan ngelah tungked lebihan teken tatelu , patpat . makejang maukir aeng - aeng . masoca warna - warni . kewala luas muput kema - mai . tuah abesik ane abana. yan makejang aba kadena dagang tungked .
uli pidan nganti jani lumbrah sulinggihe ngaba tungked . nganti buin satak tiban lakar tetep ngaba tungked .
ngaba tungked artine tusing patuh teken matungked .
sawireh jani ada tungked matengteng . ada tungked majepit di selagan lengene . ada tungked papetangan teken pengiringe ( langah tungked seken - seken anggona tungked ) .
sulinghihe biasane mejalan di malu , pengiringne nugtug di beduri . sang sulinggih majalan mantep cara pemargin sang sadhu .
taen ada sulinggih kelangan tungked ??? tungked ane hilang ento persis kone cara tongkat komando ( dawane telung lengkat ) .
ulian taen ada tungked hilang , sangkane ada sasonggan " apang sing cara sulinggih kelangan tungked " .
nguda sulinggih kanti bisa kelangan tungked .....???
mula saja apa ane gelahang ento lakar hilang . ane sing gelahang sing lakar hilang . merasa ngelah tungked , merasa kelangan tungked . ( yen sing taen ngelah tungked , sing taen kilangan tungked ) .
tungked apa ane bisa hilang.....?
yen sulinggih matungked shastra , sing ada anak bisa ngemaling tungked shastra . wireh tungked shastrane ento tusing ngenah .
tungked shastrane ento ane lakar ngatehang sulinggihe mejalan ngojog sangkan . sing ada kone paran lenan teken sangkan .
ento makerana dadi sulinggih jaman jani sing
keren
. sawireh langah ada sulinggih matungked shastra . a na ca ra ka .....suba sing lapah ban ngentasin .
salingke bakal dadi modre
modre tusing tawang ...kenkenang ngae dagdig karana ....?
ento makerana dadi sulinggih jaman jani sing
keren
. sawireh kaca meko sastra brahma wangsa tatwa sing ngelah .....banyu berek sastra iswara tatwa sing nawang ..... sepat siku - siku sastra bongkol pangasryan sing kenal . ciri apa jani liyu macan megama sampi ???
mirib ciri pelih maca buku . pelih memaca patuh teken pelih peurukan . iwang paurukan patuh teken iwang milih guru .
jelek dadine yen suba kadung pelih milih guru .
luwungan depin muruk kene keto . yen sing ada guru seken - seken guru .
apang sing cara panak macan maguru teken bapa sampi ......apang sing cara turunan sampi maguru teken meme paksi .......apang sing cara warih paksi meguru nini lelipi .....apang sing cara titisan lelipi meguru teken jro bikul .......apang sing cara pretisentanan bikul meguru teken dane meong .
( guru dong sing pelih . murid masih sing pelih ......pilihane ane pelih !! ) .
Ene tuah satwe ne mule satwe
om nama siwa ya
.jpeg)
Tidak ada komentar:
Posting Komentar